nagtuhaw sa karay-a

Patadyong

Pinasahi ikaw sa tanan,
May panapton nga ;
Mapino,
Malum-uk,
Madanlug.
Apang ang imu baraghal,
Daw pangabuhi kang tawo sa uma,
Mabudlay.
-jamcy

Banig

Kaimaw ta ikaw samtang gamay pa ako,
Naihian samtang nagadamgo.
Nangin saksi ikaw kanga akun mga hibi,
Kun makatiraw kang kara ni tatay ukon ni nanay.
Pira ayhan ka tawo ang nagrara kanimo?
Duru ayhan nga mga balhas ang nagturo sa andang mga panit?
Magabakal liwat ako kang kaparis mo,
Agud si Totot kag Nene mangin kaimaw mo man.

-jamcy


Ang Ceres Mapanaw run

Alas singko kang kaagahon ,
Si Inday ugtaw run.
Nagapirong anang mata,
Sige kimod, ha-a-a-y kanami pa magturog.
Ang kahumuk kang kutson kanami sa likod,
Dugangan pa kang maramig nga hangin kang kaagahon.
Antique marayu pa sa Miagao,
Duru pa nga banwa kag bukid ang maagyan.
Ang katurugun ni Inday sa Ceres padayunon,
Apang Inday dalia kay alsa singko y medya,
Ang ceres mapanaw run.

-jamcy